Էրդողանն ու Ալիևը օկուպացված Վարանդայի նոր օդանավակայանում կտրեցին կարմիր ժապավենը
Թուրքիայի նախագահ Ռեջեփ Թայիփ Էրդողանը ժամանել է Վարանդա։ Ադրբեջանի կողմից օկուպացված տարածքում կառուցված միջազգային օդանավակայանում վայրէջք է կատարել Թուրքիայի կառավարական ինքնաթիռը։ Էրդողանին կարմիր գորգի վրա է դիմավորել Ադրբեջանի նախագահը,- այդ մասին գրում են ադրբեջանական ԶԼՄ-ները։
Թուրքիայի և Ադրբեջանի ղեկավարները մասնակցել են միջազգային օդանավակայանի բացման արարողությանը, միասին կտրել կարմիր ժապավենը։
Երկու երկրների առաջնորդները կմասնակցեն նաև Զանգիլանում «խելացի Ագրոպարկի» հիմնարկեքի արարողությանը, որը կառուցվելու է Թուրքիայի աջակցությամբ:
Բացի այդ, երկու երկրների ղեկավարների ներկայությամբ կտրվի Ահմեդբեյլի-Հորադիզ-Միջնավան- Աղբենդ և Ահմեդբեյլի-Վարանդա-Շուշի ճանապարհների շինարարության աշխատանքների մեկնարկը։
Արցախյան 44-օրյա պատերազմի արդյունքում Ադրբեջանի վերահսկողության տակ անցած Վարանդա քաղաքում միջազգային օդանավակայանը կառուցվել է 8 ամսում՝ Թուրքիայի աջակցությամբ։
