Չինաստանը կուսումնասիրի 2019-ի աշնանը Ուհան քաղաքում վերցված արյան տասնյակ հազարավոր նմուշներ. CNN
Չինաստանը կուսումնասիրի 2019 թվականի աշնանը Ուհան քաղաքում վերցված արյան տասնյակ հազարավոր նմուշներ՝ կորոնավիրուսի աղբյուրի որոնման համար: Գիտնականները կփնտրեն COVID-19- ի հակամարմինների նմուշներ ՝ պարզելու համար, թե երբ է կորոնավիրուսը տարածվել մարդկանց մեջ: Այս մասին հայտնում է CNN-ը՝ հղում տալով Չինաստանի առողջապահական մարմիններին:
Նմուշները պահվում են Ուհանի արյան կենտրոնում: Ինչպես պարզաբանել են Չինաստանի իշխանությունները, դրանք չէին կարող հետազոտվել անցած երկու տարվա ընթացքում, քանի որ կարող էին անհրաժեշտ լինել որպես ապացույց դատական գործընթացներում:
