Տեխասում աշխատակիցներին չեն ստիպի Covid-19-ի դեմ պատվաստվել
Ամերիկյան Տեխասի նահանգապետ Գրեգ Էբոթը մասնավոր ընկերություններին արգելել է աշխատակիցներից պահանջել պատվաստվել կորոնավիրուսի դեմ: Այս մասին գրում է Kommersant-ը:
Նշվում է, որ հրամանագիրը, որը հրապարակվել է նահանգապետի կայքում, վերաբերում է բոլոր իրավաբանական անձանց և առանձին՝ նրանց հաճախորդներին:
«Պատվաստումը համարվում է կորոնավիրուսի դեմ լավագույն և ամենաարդյունավետ պաշտպանությունը, սակայն «այն պետք է լինի կամավոր և երբեք չպարտադրվի», - ասել է Էբոթը իր կայքում:
Ըստ ԱՄՆ-ի Հիվանդությունների վերահսկման և կանխարգելման կենտրոնների տվյալների՝ Տեխասը ԱՄՆ չորս նահանգներից մեկն է, որն ունի COVID-19- ով հիվանդացության աճի ամենաբարձր ցուցանիշները:
