Ադրբեջանական օդանավի համար Իրանում ՀՀ դեսպանին կանչե՞լ են ԱԳՆ․ ՀՀ արտգործնախարարությունից պարզաբանում են

Տելեգրամյան մի շարք ալիքներ՝ հղում անելով իրանական աղբյուրներին, քիչ առաջ հաղորդեցին, որ իբր Իրանում ՀՀ դեսպանը կանչվել է Իրանի ԱԳՆ՝ ՀՀ օդային տարածքն ադրբեջանական օդանավերի համար բացելու խնդրի պարզաբանման համար։

Auroranews-ը տեղեկությունը փորձեց ճշտել Արտաքին գործերի նախարարության մամուլի խոսնակ Վահան Հունանյանից։ Վերջինս մեզ հետ ունեցած զրույցում նշեց, որ տարածվող տեղեկությունը չի համապատասխանում իրականությանը։