Թուրքական կործանիչները թռիչքներ են կատարել Նախիջևանի երկնքում

Թուրքական ազգայնական «Türkiye gazetesi» պարբերականը անդրադարձել է Նախիջևանում անցկացվելիք թուրք-ադրբեջանական հերթական զորավարժություններին։

Ըստ ermenihaber-ի՝ «Անսասան եղբայրություն 2021» երկկողմ հարձակողական-մարտավարական զորավարժությունը թուրք-ադրբեջանական պատասխանն է Նախիջևանի սահմանին Իրանի անցկացրած զորավարժությունների:

Հրապարակման համաձայն՝ թուրքական ռազմական ինքնաթիռները թռիչքներ են կատարել Նախիջևանի երկնքում:

Թուրքական աղբյուրը կարևորում է այն, որ թռիչքների ժամանակացույցը համընկել է Թբիլիսիում Վրաստան-Թուրքիա-Ադրբեջան պաշտպանության նախարարների հանդիպմանը և ռազմական ու անվտանգային ոլորտներին առնչվող պայմանագրերի ստորագրմանը։