Սահակաշվիլու գործով դատական նիստի օրը հայտնի է

Վրաստանի նախկին նախագահ Միխեիլ Սահակաշվիլու գործով դատական նիստը կկայանա նոյեմբերի տասին։ Այս մասին հայտարարել է նրա փաստաբան Բեկա Բասիլայան, նշելով, որ խոսքը այն գործերից մեկի մասին է, որոնցում ներգրավված է Վրաստանի նախկին նախագահը։

Նշենք, որ Սահակաշվիլին մեղադրվում է պաշտոնեական հանցագործություններում, երկու գործով նրա հանդեպ մեղադրական վճիռ է կայացվել, որոնք նախատեսում են ազատազրկում մինչեւ վեց տարի։ Մնացած գործերը դեռեւս գտնվում են ընթացքի մեջ։ Նրան ներկայացվել է եւս մեկ մեղադրանք՝ Վրաստանի տարածք անօրինական կերպով մուտք գործելը։

Վրացական դատախազությունը հայտնել է, որ Սահակաշվիլու արտահանձնման հարց չի քննարկվում, եւ նա ստիպված է լինելու պատիժը կրել հայրենիքում։

Նշենք նաեւ, որ Վրաստանի գործող վարչապետ Իրակլի Ղարիբաշվիլին մեղադրել է Սահակաշվիլուն՝ ընդդիմադիրների մեկի սպանությունը նախապատրաստելու մեջ, որպեսզի հարուցվի անկարգություններ եւ դրանում մեղադրեն իշխանություններին ու ապակայունացնեն իրավիճակը երկրում: