Մարգարիտա Սիմոնյանն առաջարկել է Կարսը և Արարատը վերադարձնել Ռուսաստանին
«Կիրակնօրյա երեկո Վլադիմիր Սոլովյովի հետ» հաղորդաշարի եթերում RT-ի գլխավոր խմբագիր Մարգարիտա Սիմոնյանը հայտարարել է, որ ցանկանում է Արարատ լեռը և հայկական Կարս քաղաքը, որն այժմ գտնվում է Թուրքիայի արևելքում, վերադարձնել Ռուսաստանի կազմ:
«Ես, իհարկե, ուզում եմ վերադարձնել Կարսը և Արարատը Ռուսաստանին, որին պատկանել են մինչև Կարսի ամոթալի պայմանագիրը: Ես բավականին կայսերական, ռուսական գիտակցության մարդ եմ. կցանկանայի ամեն ինչ վերադարձնել», - ասել է Սիմոնյանը:
Մարգարիտա Սիմոնյանը ներբեռնել է այս հատվածը YouTube հարթակում և վերնագրել այն`«Մարգարիտա Սիմոնյանը Միխեիլ Սաակաշվիլիի մասին»:
