Ադրբեջանը և Թուրքիան շուտով կարող են փորձել ներխուժել Հայաստանի որոշակի տարածքներ՝ միջանցք ստեղծելու նպատակով․ Tehran Times

Իրանական Tehran Times պարբերականը ուշագրավ հրապարակում է արել, որում նշվում է․ «Թուրքիայի ուղիղ մուտքը Կասպից ծով (միջանցքով) կարող է ստվեր գցել Կովկասում և Կենտրոնական Ասիայում Իրանի դերի վրա: Իրանական զորավարժությունները պարզապես նախազգուշացում չեն Անկարային և Բաքվին, դրանք օպերատիվ վարժանքներ են: Դատելով ռազմական ակտիվությունից՝ Ադրբեջանը և Թուրքիան շուտով կարող են փորձել ներխուժել Հայաստանի որոշակի տարածքներ՝ միջանցք ստեղծելու նպատակով: Եթե ​​սահմանները փոխվեն, Իրանը կմտնի Հայաստան եւ կկանխի այս սցենարը»: