Զելենսկին հայտարարություն է արել՝ Պուտինի հետ հանդիպման վերաբերյալ
Ուկրաինայի նախագահ Վլադիմիր Զելենսկին հայտարարել է, որ պատրաստ է ՌԴ նախագահ Վլադիմիր Պուտինի հետ հանդիպմանը և կարծում է, որ դեմ առ դեմ ձևաչափով հանդիպումը կարող է արդյունավետ լինել:
«ՌԴ նախագահի հետ հանդիպման հարցով ևս մեկ անգամ հաստատում եմ, որ մենք պատրաստ ենք այդ հանդիպմանը և ես կարծում եմ, որ հանդիպելը ճիշտ քայլ է: Դեմ առ դեմ ձևաչափով մեր հանդիպումը կարող է բավականին առարկայական լինել: Ռուսական կողմը, կարծում եմ, ՌԴ նախագահի շրջապատը, չի ցանկանում, որ նա ինձ հետ հենց այդ ձևաչափով հանդիպում անցկացնի, քանի որ այդ հանդիպումը կարող է անսպասելի արդյունքների հանգեցնել»,- «ՌԻԱ Նովոստի»-ի փոխանցմամբ՝ հայտարարել է ուկրաինացի առաջնորդը:
Վերջինս հավելել է նաև, որ պատրաստ է հանդիպմանը «նորմանդական ձևաչափով»:
«Ես իրականում պատրաստ եմ ցանկացած հանդիպման, քանի որ կարծում եմ, որ ցանկացած հանդիպում այդ մակարդակով կօգնի Ուկրաինային Դոնբասում ողբերգության և Ղրիմի հացով կարգավորման գործում»,- հավելել է Զելենսկին:
