Միայն այս կերպ կարելի է իշխանափոխություն անել. Սերժ Սարգսյանը՝ ընդդիմությանը

ՀՀ երրորդ նախագահ Սերժ Սարգսյանը վստահեցնում է, որ Հայաստանի ընդդիմությունը կարող է իշխանափոխություն կազմակերպել, եթե մտածեն միայն իշխանափոխության մասին, այլ ոչ թե իշխանության գալու։ Օրերս կայացած ՀՀԿ համաժողովին` հարցուպատասխանի ժամանակ է Սարգսյանը խոսել այդ մասին, տեղեկանում ենք երրորդ նախագահի գրասենյակի կայքից։ 
«Մեր պայքարը պետք է լինի ոչ թե մարդկանց մեր կողմը գրավելու համար, այլ ինչքան շուտ և ինչպես ենք կարողանում սրան հեռացնել։ Հայաստանի ընդդիմությունը կարող է իշխանափոխություն կազմակերպել, եթե հիմնական ընդդիմադիր ուժերն իրենց առջև միայն մեկ նպատակ դնեն` իշխանափոխություն, այլ ոչ թե իրենք գան իշխանության»,–ասել է  Սարգսյանը։ 

Նրա խոսքով` այսօր իշխանության գալու մասին ընդհանրապես պետք չի մտածել. միգուցե սա ոգևորիչ չէ մեր երիտասարդ կուսակցականների համար, սակայն մեր երկրի շահը սրանից է բխում` մենք դրա մասին չպետք է մտածենք։