Ինչու՞ Վրաստանի դատախազությունը չի շտապում Սաակաշվիլիին մեղադրանք առաջադրել

Ինչո՞ւ Վրաստանի դատախազությունը չի շտապում Սաակաշվիլիին մեղադրանք առաջադրել Спутник Грузия-ի լրագրողի հարցին պատասխանել  են Վրաստանի գլխավոր դատախազության մամուլի ծառայությունում: 

«Միխեիլ Սաակաշվիլին արդեն ձերբակալվել է որպես դատապարտյալ: Նա հետախուզման մեջ գտնվող անձ է, ով դատապարտվել է վեց տարվա ազատազրկման և այս փուլում գտնվում է  քրեակատարողական հիմնարկում: Այս դեպքում մեղադրանք առաջադրելու համար իրավական ժամկետ չկա: Ելնելով այս ահանգամանքից՝ այսօր նրան մեղադրանք չի առաջադրվի: Ինչ վերաբերում է նոր հետաքննությանը, ապա այն ինտենսիվորեն իրականացվում է, և դեռ հայտնի չէ, թե երբ մեղադրանք կառաջադրվի», – հայտնել են Վրաստանի գլխավոր դատախազության մամուլի ծառայությունից: 

Հայրենիքում Սաակաշվիլին հեռակա կարգով դատապարտվել է բանկիր Սանդրո Գիրգվլիանիի սպանության և պատգամավոր Վալերի Գելաշվիլիի ծեծի հետ կապված գործերով: Մի դեպքում նա դատապարտվել է երեք տարվա ազատազրկման, մյուս դեպքում՝ վեց: Բացի այդ, Սաակաշվիլին ներգրավված է 2007 թվականի նոյեմբերի 7 -ին ընդդիմության հանրահավաքը բռնությամբ ցրելու, «Իմեդի» հեռուստաընկերության ջարդի և պետական ​​բյուջեից միջոցների յուրացման գործերում: Դրանք քննարկվում են դատարանների կողմից, դատավճիռներ չեն կայացվել: 

Վրաստանի դատախազությունը հայտարարում է, որ Սաակաշվիլիին Ուկրաինա հանձնելու հարցը չի քննարկվում, և նա ստիպված կլինի իր պատիժը կրել տանը: Նշենք, որ այժմ Սաակաշվիլին Ուկրաինայի քաղաքացի է: Այդ երկրի նախագահ Զելենսկին հայտարարել էր, որ  պատրաստվում է անձամբ և երկրի իշխանությունների օգնությամբ զբաղվել Ուկրաինայի ձերբակալված քաղաքացու և Վրաստանի նախկին նախագահի վերադարձով: 

Վրաստանի երրորդ նախագահը բերման է ենթարկվել Թբիլիսիի բնակելի թաղամասերից մեկից: