Կատարում մեկնարկել են երկրի պատմության մեջ առաջին խորհրդարանական ընտրությունները
Կատարի պատմության մեջ առաջին անգամ ընտրատեղամասեր են բացվել։ Ընթանում են Մեջլիս աշ-Շուրայի (խորհրդարանական գործառույթներով խորհրդատվական խորհուրդ) ընտրություններ, որոնք անցկացվում են ողջ երկրի 30 ընտրատարածքներում։ Այդ մասին հայտնում է RIA Novosti-ն։
284 թեկնածուներ, որոնց 10 տոկոսը կանայք են, հավակնում են 30 մանդատի։ Ընտրողների թիվը կազմում է մոտ 300 հազար։
Կատարցիների համար օրը պատմական է, քանի որ անցկացվում են ուղղակի ընտրություններ։
Խորհրդատվական խորհուրդը հիմնադրվել է Կատարում 1972 թվականին, էմիր Խալիֆ բեն Համադ Ալ Թանիի կողմից և կազմված է եղել 20 անդամից, որոնք նշանակվել են պետության ղեկավարի կողմից։
