«ԷՔՍՊՈ 2020 Դուբայ» ցուցահանդեսում բացվել է հայկական տաղավարը. Քերոբյան

ՀՀ էկոնոմիկայի նախարար Վահան Քերոբյանն իր ֆեյսբուքյան էջում գրել է.
 

«Հոկտեմբերի 1-ին պաշտոնապես բացվեց «ԷՔՍՊՈ 2020 Դուբայ» ցուցահանդեսում հայկական տաղավարը։

Մեր առաջին հյուրերից էր ԱՄԷ արտաքին առևտրի նախարար Թանի Բին Ահմեդ Ալ Զեյուդին։

Տաղավարում շրջելուց և մեր հյուրին «էթնոթեք» կոնցեպտի հետ ծանոթացնելուց հետո, խոսել ենք Հայաստանում ներդրումային միջավայրի և ներդրումային հնարավորությունների մասին, որոնք կարող են հետաքրքիր լինել արաբ ներդրողների համար։

Պայմանավորվածություն ենք ձեռք բերել մեր երկրների միջև հետագա համագործակցությունն էլ ավելի ամրապնդել և ընդլայնել»։