ԶԼՄ-ներին հայտնի է` որտեղ է Սաակաշվիլին
Վրաստանի նախկին նախագահ Միխեիլ Սաակաշվիլին, որը պնդում է, որ Բաթում քաղաքում է գտնվում, չի լքել Ուկրաինայի տարածքը և վերջին 4 օրվա ընթացքում գտնվում է ուկրաինական Տրուսկավեց քաղաքում: Այս մասին հայտնում է «ՌԻԱ Նովոստի»-ն՝ հղում անելով «Իմեդի» հեռուստաընկերությունը:
«Սաակաշվիլին Ամստերդամից Ուկրաինա է ժամանել սեպտեմբերի 24-ին, որից հետո չի հեռացել երկրից: Մեր տեղեկություններով՝ վերջին 4 օրվա ընթացքում նա գտնվում է Տուսկավեց ուկրաինական քաղաքում»,- հայտնում է հեռուստաալիքը:
Նշենք, որ «Միասնական ազգային շարժում» ընդդիամդիր կուսակցությունից ավելի վաղ հայտնել էին, որ Սաակաշվիլին պաշտոնապես հանրությանը կներկայանա հոկտեմբերի 2-ին կայանալիք տեղական ինքնակառավարման մարմինների ընտրություններում քվեարկության ավարտի պես՝ ընտրատեղամասերի փակվելուց հետո:
