ՏԵՍԱՆՅՈՒԹ. Ապագայում լայն հասարակությանը մեր քառօրյայի եզրակացությունը հասանելի Է լինելու. Անդրանիկ Քոչարյան
Շատ մոտ ապագայում կսկսվեն 44-օրյա պատերազմի հանգամանքները քննող հանձնաժողովի աշխատանքները։ Այս մասին այսօր՝ սեպտեմբերի 28-ին, Ազգային ժողովում՝ լրագրողների հետ զրույցում, ասաց ԱԺ պաշտպանության, ազգային անվտանգության հարցերի հանձնաժողովի նախագահ Անդրանիկ Քոչարյանը։
«Հիմա ընթանում է շատ ակտիվ աշխատանքային փուլ։ Հայտարարել, որ ստեղծված է, համարեք, որ դա ամենահեշտ գործն է։ Բայց ունենք իրավական խնդիրներ աշխատանքի կազմակերպման հետ կապված։ Քառօրյայի փորձ ունենք, որտեղ մենք երկու ամիս ժամանակ կորցրինք այդ կազմակերպչական խնդիրների վրա, և եթե այդ երկու ամիսն ավել ունենայինք գուցե ավելի հասանելի նյութեր ապահովեինք մեր եզրակացության մեջ այն մարդկանց համար, որոնք գաղտնիության հետ խնդիր չունեին։ Իսկ ապագայում համոզված եմ լայն հասարակությանը մեր քառօրյայի եզրակացությունը հասանելի լինելու է»,- նշեց նա։
