Էրդողանը և Ալիևը հեռախոսազրույց են ունեցել
Սեպտեմբերի 27-ին Թուրքիայի Հանրապետության նախագահ Ռեջեփ Թայիփ Էրդողանը զանգահարել է Ադրբեջանի Հանրապետության նախագահ Իլհամ Ալիևին:
Թուրքիայի նախագահը հերթական անգամ ցավակցություն է հայտնել Ադրբեջանի նախագահին՝ 44-օրյա պատերազմում ոչնչացված ադրբեջանցի զինվորականների մահվան կապակցությամբ:
Ալիևը շնորհակալություն է հայտնել թուրքական պետության ղեկավարին և մեկ անգամ ևս բարձր գնահատել այն «քաղաքական ու բարոյական» աջակցությունը, որ Թուրքիայի նախագահը ցուցաբերել է Ադրբեջանին պատերազմի ընթացքում:
Պետությունների ղեկավարները վստահություն են հայտնել, որ Ադրբեջանի և Թուրքիայի միջև բարեկամական և եղբայրական հարաբերությունները կշարունակեն զարգանալ և ամրապնդվել բոլոր ուղղություններով:
