Ընդդիմադիրները լքեցին նիստերի դահլիճը

Ազգային ժողովում ընթանում է արտահերթ նիստ, որի օրակարգում ընդգրկված է համայնքների խոշորացման մասին հարցը:

Նիստի սկզբում «Հայաստան» խմբակցության քարտուղար Արծվիկ Մինասյանը նշեց, թե այս իշխանությունները չեն սովորել տարբերակել գլխավորը երկրորդականից և այսպիսի քննարկում են կազմակերպել, երբ սահմաններին լարվածություն է առկա: Մինասյանը հայտարարեց, թե իրենց խմբակցությունը չի մասնակցելու անօրինականությունների:

Դրան զուգահեռ «Պատիվ ունեմ» խմբակցության քարտուղար Հայկ Մամիջանյանն էլ հայտարարեց, թե համայնքների խոշորացումը քաղաքական նպատակ է հետապնդում, և ևս միացան ընդդիմադիր գործընկերների ասածին: Երկու ընդդիմադիր ուժերի պատգամավորները լքեցին դահլիճը: