Հաղթել՝ անպայման չի նշանակում կրակել. Բագրատյանը Փաշինյանի հայտարարութան մասին խոսելիս հիշեց Նժդեհին
««Հաղթելու համար պետք չէ հաղթել»․ մենք բոլոր արտահայտությունները ուղիղ ենք հասկանում։ Այսինքն, ես պետք է ձեզ հետ ոչ թե կռվելով հաղթեմ, այլ իմ վրա աշխատելով, իմ ինտելեկտուալ կարողությունները բարձրացնելով։ Դրանով ձեզ հաղթեմ, ոչ թե բոքսով ձեզ հաղթեմ։ Ուղիղ իմաստով դուք դա պետք է հասկանաք, որ հաղթել՝ անպայման չի նշանակում կրակել, մարդ սպանել», - այս մասին այսօր լրագրողների հետ զրույցում ասաց ՔՊ պատգամավոր Սերգեյ Բագրատյանը՝ մեկնաբանելով Անկախության 30-ամյակին նվիրված միջոցառմանը Փաշինյանի՝ «թևավոր» դարձած արտահայտությունը, թե «պատմությունը դա է ցույց տվել, որ հաղթելու համար պարտադիր չէ, երբեմն նույնիսկ պետք չէ հաղթել ուրիշներին»։
Բագրատյանը թեև նշեց, որ Փաշինյանից մեկնաբանություն չի խնդրել իր հայտարարության վերաբերյալ, բայց մանրամասնեց նաև, որ Փաշինյանը պետությունը հզորացնելու մասին է խոսել։
«Ես չեմ հարցրել մեկնաբանությունը, բայց, եթե չեմ սխալվում, Նժդեհն էր ասում՝ որպեսզի թշնամուդ հաղթես, ունեցիր հզոր պետականություն նրա քթի տակ», - ասաց անխկին ԲՀԿ-ական և ներկայիս ՔՊ-ական պատգամավորը։
