Էրդողանը նշել է, թե Ադրբեջանն՝ օգտվելով ինքնապաշտպանության իր իրավունքից, վերջ է դրել իր տարածքների օկուպացիային
Թուրքիայի նախագահ Ռեջեփ Թայիփ Էրդողանը՝ ՄԱԿ-ի Գլխավոր ասամբլեայի 76-րդ նստաշրջանին ունեցած իր ելույթի ժամանակ անդրադարձել է Հարավային Կովկասում տիրող իրավիճակին: Նա հայտարարել է, որ վերջին ժամանակներս քայլեր են ձեռնարկվել՝ տարածաշրջանում կայունության ապահովման տեսանկունից: «Ադրբեջանը՝ օգտվելով ինքնապաշտպանության իր իրավունքից վերջ է դրել «իր տարածքների օկուպացիային», որոնց մասին ասվում է Անվտանգության Խորհրդի տարիներ շարունակ չկատարվող բանաձևերում: Այս գործընթացը թույլ է տալիս նոր հնարավորություններ ստեղծել՝ տարածաշրջանում կայուն խաղաղության հաստատման համար»,-ասել է Էրդողանը:
