«Եթե գնացել-եկել եմ, ուրեմն նորմալ էր». ՊՆ նախարարը` Գորիս -Կապան ճանապարհի վերաբերյալ

ՀՀ պաշտպանության Արշակ Կարապետյանը վստահ է, որ պետությունն ու ժողովուրդը կկարողանան դուրս գալ պատերազմից հետո ստեղծված իրավիճակից։ Կարապետյանն այս մասին ասել է նախագահականում լրագրողների հետ զրույցում։ 

«Մենք կունանանք այն երազած հայրենիքը, որի համար պայքարել ենք, սակայն դեռ շատ անելիքներ ունենք։ Մենք պետք է հաղթահարենք դժվարությունները և առաջ գնանք աշխատանքով»,–ասել է Կարապետյանը։ 

Լրագրողները հետաքրքրվեցին, թե նախարարն ինչ նախադրյալներ է տեսնում երազած հայրենիք կառուցելու, երբ քաղաքացիները Սյունիք գնալու համար անվտանգության խնդիրներից ելնելով` ստիպված են մտորել։ Ի պատասխան Կարապետյանը նշեց, որ մտորելու խնդիր չի տեսնում Սյունիք գնալու հետ կապված։ 

"Ես էլ եմ անցել Գորիս-Կապան ճանապարհով, նորմալ էր։ Եթե գնացել-եկել եմ, ուրեմն նորմալ էր",–ասել է Կարապետյանը։ 
Նախարարը հերքել է շրջանառվող լուրերն այն մասին, որ Սյունիքին կապող այլընտրանքային ճանապարհ կառուցելով`պետք է հրաժարվեն գործող ճանապարհից։ Նա վստահեցրել է, որ նման խնդիր չկա։ 
Կարապետյանը հրաժարվել է պատասխանել անվտանգությանն առնչվող այլ հարցերին։