ՏԵՍԱՆՅՈՒԹ․ Մանվել Գրիգորյանի գործը ծուռ է գնացել․ Ջհանգիրյան
ԱԺ-ում «Հայաստան» խմբակցության պատգամավոր Ագնեսա Խամոյանը հարց ուղղեց Բարձրագույն դատական խորհրդի նախագահի պաշտոնակատար Գագիկ Ջհանգիրյանին։ Նա նշեց, որ վերջինս խոսելով գեներալ Մանվել Գրիգորյանի գործի մասին հայտարարել է, որ «փուչիկը հենց սկզբից էլ շատ փչեցին, խտացրած կաթի և տուշոնկաների հետ ինքը կապ չի ունեցել»։
«Հայտնի է, որ Մանվել Գրիգորյանին կալանքի տակ պահող դատավորը եղել է հայտնի Մացոն՝ Մնացական Մարտիրոսյանը։ Որպես ԲԴԽ նախագահի պաշտոնակատար Ձեզ նման դատավորների վարքագիծը մտահոգո՞ւմ է։ Շարունակո՞ւմ եք մնալ նույն կարծիքին Մանվել Գրիգորյանի հետ կապված»,- հետաքրքրվեց Խամոյանը։
Ի պատասխան պատգամավորի հարցի՝ Ջհանգիրյանը դրական պատասխան տվեց՝ նշելով, որ շարունակում է կարծել, որ Մանվել Գրիգորյանը անուրանալի ներդրում է ունեցել Արցախի ազատագրման խնդրում․ «Ես կարծում եմ այն ժամանակ իր հանդեպ այդ պրոցեսը ծուռ է գնացել»,- ասաց նա։
Խամոյանի այն հարցին, թե ի վերջո ո՞վ մահվան տարավ Մանվել Գրիգորյանին՝ Ջհանգիրյանը չկարողացավ շատ բան ասել։
