Հյուսիսային Կորեան նոր թևավոր հրթիռի փորձարկումներ է իրականացրել
Հանգստյան օրերին Հյուսիսային Կորեան մեծ հեռահարության նոր թևավոր հրթիռի հաջող փորձարկումներ է իրականացրել։ Ինչպես հայտնում է Yonhap գործակալությունը, հաջողությամբ փորձարկվել են հրթիռի մասերը, շարժիչները, կառավարման և ուղղորդման համակարգը, մարտագլխիկները, կատարվել են թռիչքային տարբեր փորձարկումներ։
Փհենյանի կողմից մեծ հեռահարության թևավոր հրթիռի մշակումը շարունակվել է վերջին երկու տարիներին։ Դրա համար նախատեսված արկը հանդիսանում է վիթխարի կարևորության ռազմավարական զենք։
Արձակված նոր հրթիռները թռել են 7580 վայրկյան՝ հանրապետության տարածքի և տարածքային ջրերի վրայով և խոցել 1,5 հազար կմ հեռավորության վրա գտնվող թիրախները։
Հաղորդագրության մեջ նշվում է, որ նոր հրթիռի բնութագրերը բավարարում են նախագծային պահանջները։
