ՏԵՍԱՆՅՈՒԹ. Շուրջ երկու ամիս է բաց դիտահորը վթարային իրավիճակներ է ստեղծում. բնակիչների բողոքներն անարձագանք են մնացել
Արդեն շուրջ երկու ամիս է ինչ Արաբկիր վարչական շրջանի Փափազյան փողոցի բնակիչների կողմից Երևանի քաղաքապետարան ահազանգ է ներկայացվել նշված փողոցում առկա բաց դիտահորի վերաբերյալ: Դիմում-բողոքներին քաղաքապետարանից չեն արձագանքել:
Քաղաքացիները նշում են, որ Երևանի քաղաքապետարանի և «Վեոլիա Ջուր» ընկերության անգործության արդյունքում դիտահորը չի վերականգնվել, անգամ տարածքը չի սահմանազատվել: Արդյունքում` մեքենաները, հատկապես երեկոյան ժամերին, ընկնելով դիտահորի մեջ վնասվում են ու ստեղծում վթարային իրավիճակ:
Аuroranews-ը կապ հաստատեց քաղաքապետարան, որտեղից հայտնեցին` Քաղաքապետարանը հանդիսանում է միջնորդ և իրավասու չէ զբաղվել դիտահորերի հետ կապված խնդիրներով: Կառույցից նշեցին, որ հարցը գտնվում է «Վեոլիա Ջուր» ընկերության տիրույթում:
Մեր զանգերը «Վեոլիա Ջուր» ընկերություն մնացին անպատասխան:
