Մակրոնը համաշխարհային հանրությունը պայմաններ է առաջադրել թալիբներին

Ֆրանսիայի նախագահ Էմանուել Մակրոնը հայտնել է, որ համաշխարհային հանրությունը պայմաններ է առաջադրել թալիբներին։ Այս մասին նա հայտարարել է TF1 հեռուստաալիքի եթերում:

Ինչպես հստակեցրել է քաղաքական գործիչը, թալիբների հետ բանակցություններ վարելը չի նշանակում նրանց պաշտոնական ճանաչում: Մակրոնը բացատրել է, որ կառավարությունները ստիպված են շփվել»Թալիբան»-ի հետ, քանի որ շարժումը վերահսկում է Քաբուլը եւ Աֆղանստանի ողջ տարածքը: Նրա խոսքով, հետեւաբար, գործնական առումով պետք է բանակցել նրանց հետ: Ֆրանսիայի նախագահը նշել է, որ թալիբների առջեւ պայմաններ են դրվել:

Նախագահը թվարկել է թալիբների պաշտոնական ճանաչման պայմանները: Առաջին հերթին դրանք վերաբերում են մարդու իրավունքների պահպանմանը: Բացի այդ, թալիբներից պահանջել են չփոխգործակցել Աֆղանստանում ահաբեկչական խմբավորումների հետ: Մակրոնի խոսքով՝ թալիբները պետք է հարգեն «աֆղանցի կանանց արժանապատվությունը»: