Կան տարածքներ, որոնք ընդհանրապես չեն վերահսկվում, կարող են դիվերսիաներ լինել, մարդկանց գողանան․ Օնիկ Ավագյան
Որեւէ երաշխիք չկա, որ ճանապարհները կրկին չեն փակվի։ Այս մասին NEWS.am-ի հետ զրույցում ասել է Բարձրավան համայնքի ղեկավար Օնիկ Ավագյանը։
«Մինչեւ այս միջադեպն էլ վտանգ կար։ Կան տարածքներ, որոնք ընդհանրապես չեն վերահսկվում ոչ մեկի կողմից, նույնիսկ կարող են դիվերսիաներ լինել, մարդկանց գողանան։ Ամեն դեպքում մենք թուրքի հետ գործ ունենք, ոչ թե նորմալ, քաղաքակիրթ ազգի։ Հիմա էլ երաշխիք չկա, որ ճանապարհները նորից չեն փակվի, իսկ այլընտրանքային ճանապարհն էլ շատ վատ վիճակում է»,- լրատվականի հետ զրույցում նշել է նա։
Օնիկ Ավագյանը չի ցանկացել մեկնաբանել, թե ինչու էր Նիկոլ Փաշինյանն ադրբեջանցի զինծառայողների կողմից փակված ճանապարհը Կառավարության նիստի ժամանակ ադրբեջանական անուններով նշել՝ Չայզամի եւ Էյվազլի.
«Թող ինքն իր ասածները մեկնաբանի։ Միայն կարող եմ ասել, որ Չայզամի կոչվող տարածքը հայկական է՝ Նոր Առաջաձոր է, իսկ Էյվազլին ժամանակին ադրբեջանաբնակ է եղել, վերեւի մասը թուրքերինն էր, ներքեւը՝ մերը»։
Առավել մանրամասն՝ սկզբնաղբյուրր կայքում
