«Մի քանի հոգով հարձակվեցին վրաս». Ղազինյանն ասում է` եթե ՆԱՏՕ–ի զորքն էլ բերեն` չեն լռելու
Ազգային ժողովում այսօր` օգոստոսի 25–ին տեղի ունեցած հերթական քաշքշուկներից մեկի ժամանակ մի քանի հոգով հարձակվել են «Հայաստան» խմբակցության պատգամավոր Արթուր Ղազինյանի վրա։ ԱԺ–ում լրագրողների հետ ճեպազրույցում այս մասին ասաց Ղազինյանը։
«Ուզում են մեզ լռեցնել, բայց եթե ՆԱՏՕ–ի բանակը բերեն այստեղ, իրենց չի հաջողվելու մեզ լռեցնել։ Մեկ բան ակնհայտ է` վերջին միջադեպը լավ կազմակերպված էր և երկրի բարձրագույն իշխանության կողմից հրահանգված էր, քանի որ իրենց դուր չի գալիս մեր որակումները»,–ասաց Ղազինյանը` հավելելով, որ վարչապետ Նիկոլ Փաշինյանից են հրահանգ ստացել այդկերպ պատժելու ընդդիմությանը։
Նրա խոսքով` ԱԺ–ում նման իրավիճակի համար պատասխանատու է երկրի բարձփրագույն իշխանությունը։ Ղազինյանը նշեց` եթե առկա լինեն հանցակազմի տարրեր այսօրվա միջադեպերի ժամանակ, ապա իրենք հանցագործության մասին հաղորդում կտան։
