Ֆրանսահայ Մորիս Բոլեյանը Սոչիում հաղթեց ռուսաստանցի մարզիկին
Ֆրանսահայ Մորիս Բոլեյանը Սոչիում հաղթեց ռուսաստանցի Ազիզհան Չորշանբիևին AMC Fight Nights 103 մրցաշարում:
Հայ մարտիկն իր 6-րդ հաղթանակը տոնեց և պաշտպանեց չեմպիոնի տիտղոսը։
Մարտի ընթացքում Բոլեյանը հայտնվեց մեջքի վրա, բայց կարողացավ կողմնորոշվել ու տապալել մրցակցին։ Մրցավարը դադարեցրեց մարտը։
Մորիս Բոլեյանը պրոֆեսիոնալ մակարդակում դեռ ոչ մի անգամ չի պարտվել։ Չորշանբիևն առաջին պարտությունը կրեց։ Բոլեյանի հետ մենամարտից առաջ նա վեց անընդմեջ հաղթանակ էր տարել։
