Բնակվում ենք Աբովյանի գիշերօթիկ դպրոցում, բայց հասկանում ենք՝ մի օր էնտեղից էլ կհանեն․ քաշաթաղցի կին
Բնակվում ենք Աբովյանի գիշերօթիկ դպրոցում, Քաշաթաղի շրջանից ենք, մերը գյուղը հանձնված ա թուրքին։ Այս մասին Կառավարության շենքի դիմաց լրագրողների հետ զրույցում ասաց Քաշաթաղի բնակիչներից մեկը, ովքեր այս պահին բողոքի ակցիա են իրականացնում։
«Մենք գոհ են այնտեղի տնօրենից, բայց դա էլ է չէ ժամանակավոր, ժամանակ կգա, որ մեզ այնտեղից էլ կհանեն, արդեն 7 ամիս է բնակվում ենք այնտեղ»։
Լրագրողի հարցին, թե ո՞րն է խնդրանքը կառավարությունից՝ քաղաքացին ասաց․
«Արդեն 28 տարի ապրում ենք Քաշաթաղի շրջանում, մենք Հայաստանից ենք գնացել, տնտեսություն ենք ունեցել, տուն, բայց հիմա ոչինչ չունեմ։ Տարիքս թույլ չի տալիս, որ ես գնամ Արցախ ու էնտեղ որևէ բան սկսեմ, զրոյից սկսելու հնարավորություն չունեմ։ Ես ուզում եմ ապահով զգալ ինձ»,-ասաց նա։
