Ընտրությունների արդյունքների ամփոփման հետ կապված վեճում ՔՊ-ն ներգրավվել է որպես երրորդ կողմ
Արդարադատությանն նախարարի պաշտոնակատար Ռուստամ Բադասյանը ֆեյսբուքյան իր էջում հայտնել է՝ ընտրությունների արդյունքների հետ կապված վեճում ՔՊ-ն ներգրավվել է որպես երրորդ կողմ։
««Քաղաքացիական պայմանագիր» կուսակցությունը, սեփական դիմումի հիման վրա, ՍԴ աշխատակարգային որոշմամբ, ներգրավվել է որպես երրորդ անձ Կենտրոնական ընտրական հանձնաժողովի 2021 թվականի հունիսի 27-ի` «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրու թյունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» միավորված գործով դատավարությանը։
Առաջիկայում կներկայացվի ՔՊ իրավական դիրքորոշումը ներկայացված դիմումների կապակցությամբ»,- գրել է Բադասյանը։
