ՏԵՍԱՆՅՈՒԹ. Կամչատկայում սկսվել է Ան-26 ինքնաթիռի կործանման զոհերի մարմինների ջրից դուրսբերումը
Սկսվել է Կամչատկայում Ան-26 ինքնաթիռի կործանման հետևանքով զոհերի մարմինների ջրից դուրսբերումը, նրանց թիվը ճշտվում է, հայտնում է ria.ru-ն:
Ավելի վաղ գործակալության աղբյուրը հայտնել էր, որ գտնվել են ավիաաղետի 6 զոհերի մարմինները:
Ինչպես ավելի վաղ հաղորդել էր Tert.am-ը, ՌԴ Արտակարգ իրավիճակների նախարարությունը հրապարակել է կադրեր Կամչատկայում Ան-26 ինքնաթիռի կործանման վայրից:
Ելնելով բեկորների տեղակայությունից՝ ինքնաթիռը բախվել է ժայռին ու ընկել ջուրը: Դրանում եղել է 28 մարդ, այդ թվում` երեխա. նախնական տվյալների համաձայն՝ ոչ ոք չի փրկվել:
Կամչատկայի Պետրոպավլովսկից Պալանա բնակավայր թռիչք իրականացնող Ան-26 օդանավը նշված ժամին կապի դուրս չէր եկել: Ան-26-ի կործանման հնարավոր պատճառը կարող էր լինել ուժեղ քամին, տեխնիկական անսարքությունը կամ օդաչուների սխալը: Հարուցվել է քրեական գործ:
