Այս պահին անհետ կորածների թիվը 275 է․ Նաիրի Սարգսյան
Այս պահին անհետ կորածների թիվը 275 է։ Անետ կորածներ հազարից ավելի ունեցել ենք նոյեմբերի դրությամբ: Այս մասին լրագրողների հետ զրույցում հայտնեց վարչապետի պաշտոնակատար Նիկոլ Փաշինյանի օգնական Նաիրի Սարգսյանը:
«Հետագայում ԴՆԹ հետազոտությունների արդյունքում անհետ կորածների դիերը հայտնաբերվեցին, ու նրանք անհետ կորածների ցուցակից անցան զոհվածների ցուցակ»,-պարզաբանեց նա:
Սարգսյանը նշեց, որ արդեն 800-ից ավելի անհետ կորածների մարմինները նույնականացվել են: «Այս պահին անհետ կորածների թիվը 275 է»,-ասաց նա:
