Եվս 200000 դրամ․ Աղազարյանը ավելացնում է Փաշինյանի հայտնած գումարի չափին

«Իմ քայլը» խմբակցության պատգամավոր, ՔՊ կուսակցության պատգամավորի թեկնածու Հովիկ Աղազարյանը ֆեյսբուքի իր էջում գրել է.

«Յուրաքանչյուր քաղաքացի, ով «Քաղաքացիական պայմանագիր» կուսակցության կողմից կպարգևատրվի 500000 դրամով՝ ընտրակաշառքի հետ կապված տեսագրություն ներկայացնելու համար, ընկերներիս ու իմ կողմից ստեղծվող հիմնադրամի կողմից կպարգևատրվի ևս 200000 դրամով»։

Հիշեցնենք, որ այսօր Վայոց ձորում քաղաքացիների հետ հանդիպման ժամանակ Նիկոլ Փաշինյանն ասել էր, որ ՔՊ-ն ընտրակաշառքի մասին վկայող, ապացուցող տեսանյութի համար խոստանում է 1000 ԱՄՆ դոլարին համարժեք, 500 հազար դրամ պարգև, այն քաղաքացիներին, ովքեր ընտրակաշառք տալու, ստանալու փորձ կնկարահանեն: