Երևան քաղաքի բոլոր ոստիկաններին քաղաքացիական հագուստով տարել են Սյունիք. ինչպես է մեկնաբանում Ոստիկանությունը
Ոստիկանության Երևանի վարչության բոլոր ծառայողներին քաղաքացիական հագուստ են հագցրել ու ստիպել Փաշինյանի հետ մեկնել Սյունիք: Այս մասին հայտնում է Mediaport տելեգրամյան ալիքը` հղում անելով իր աղբյուրին:
Ըստ տեղեկության՝ Երևան քաղաքի բոլոր տղամարդ ոստիկաններին քաղաքացիական հագուստով տարել են Սյունիք՝ ապահովելու Նիկոլ Փաշինյանի երթի գլխաքանակը։ Երևանում մնացել են միայն կին ոստիկանները, որոնց հրահանգված է մինչև ուշ գիշեր ուժեղացված ծառայություն իրականացնել:
Auroranews-ը կապ հաստատեց Ոստիկանության ԶԼՄ-ների հետ կապի բաժնի պետ Զարզանդ Գաբրիելյանի հետ: Վերջինս անհեթեթ համարեց տեղեկությունը, ասելով, որ նա ևս ոստիկան է և գտնվում է Երևանում` իր աշխատասենյակում:
Հարցին` քանի ոստիկան է ուղեկցել Նիկոլ Փաշինյանին և արդյոք վերջիննես քաղաքացիական հագուստով են ծառայություն իրականացնելու, Գաբրիելյանը խնդրեց գրավոր հարցում ուղարկել:
