ՁԱՅՆԱԳՐՈՒԹՅՈՒՆ. Կասկադում չեն թույլատրել հակաիշխանական վերնաշապիկով տեսանյութ նկարել. Գաֆէսճեանից պարզաբանում են
Ֆեյսբուքյան օգտատեր Միլենա Հարություննյանը իր էջում ձայնագրություն է հրապարակել Կասկադից: Ձայնագրությունից պարզ է դառնում, որ վերջիններիս չեն թույլատրել հակաիշխանական վերնաշապիկներով սիրողական տեսանյութ հրապարակել:
«Այդպես էլ չբացատրեցին, թե ինչու չի կարելի այդ շապիկներով նյութ նկարահանել, ասացին, որ տնօրինությունը թույլ չի տալիս ու վերջ։ Հիմա ուզում եմ հասկանամ, ասենք ինչի՞ է որևէ այլ բրենդային հագուստով թույլատրվում նկարվել Կասկադում, իսկ Անտինիկոլ շապիկներով՝ ոչ։ Լոգիկան ո՞ւր է․․․»,- գրել է Հարություննյանը:
«Գաֆէսճեան թանգարան» հիմնադրամի գրասենյակից Аuroranews-ին հայտնեցին` Կասկադ համալիրում, որտեղ գտնվում է Գաֆէսճեան թանգարանը չեն թույլատրվում ակնհայտ քաղաքական և կոմերցիոն նկարահանումներ: Աշխատակիցը նաև շեշտեց` Էական չէ, թե որ քաղաքական ուժի համար է:
