Հրաչ Հակոբյանը չպատասխանեց հարցին՝ իր կարծիքով Տավուշում ադրբեջանական հողեր կան, թե՝ ոչ

Ես չեմ կարող այդ հարցին պատասխանել, այդ ոլորտը, քարտեզագրումը, չգիտեմ որտեղ ինչ անկլավներ կան, այնպես որ թույլ տվեք չմեկնաբանել Վահե Ղալումյանի ասածը: Լրագրողների հետ զրույցում հայտարարել է իմքայլական պատգամավոր Հրաչ Հակոբյանը՝ պատասխանելով հարցին՝ արդյո՞ք կիսում է իր թիմակցի հայտարարությունը, թե Տավուշում կան ադրբեջանական հողեր:

«Եթե կան անկլավներ, այդտեղ անհանգստանալու որևէ բան կա՞: Եթե բոլորը գիտեն, որ կան անկլավներ»,-ասել է նա:

Հարցին՝ պատմությունն իրենց համար Խորհրդային Միությունի՞ց է սկսվում, նա ասել է, կարելի է շատ ավելի հետ գնալ, սակայն ինչ-որ մի ելակետային բան պետք է լինի:

Նա նշել է, որ գյուղեր հանձնելու մասին որևէ խոսք չկա, դեռ քննարկումներ են ընթանում:

Հակոբյանը նաև հիշեցրել է Փաշինյանի խոսքերն այն մասին, որ հնարավոր է նաև, որ ֆիքսվեն հենց այսօր գոյություն ունեցող տարածքները, այսօրվա քարտեզը: