Վարդենիսի հատվածում հայ և ադրբեջանցի զինվորականների միջև վիճաբանություն է եղել, որն արագ հարթվել է. ՊՆ

Հայկական և ադրբեջանական ուժերի շփման գծի Վարդենիսի հատվածում հայ և ադրբեջանցի զինվորականների միջև երեկ վիճաբանություն է եղել, լուրն Aysor.am-ի թղթակցի հետ զրույցում հաստատեցին ՀՀ պաշտպանության նախարարությունից։

«Երեկ զինվորականների միջև վիճաբանություն է եղել, որն արագ հարթվել է», - ասացին ՊՆ-ից։

Հիշեցնենք, որ մամուլում տեղեկություններ են տարածվել, որ ադրբեջանցիները նորից առաջ են շարժվել դեպի Վարդենիս, այնքան են մոտեցել են հայկական բնակավայրին, որ դեմ դիմաց հանդիպել են տեղացիների։ Վարդենիսցիները երբ սկսել են իրենց հետ բանակցել թե այս ուրեք եկել, հետ գնացեք, սա Հայաստանն է, ադրբեջանցիները հակառակն են պնդել և վեճի բռնվելով, ծեծի են ենթարկել վարդենիսցի բնակիչներին։ Ծեծված վարդենիսցիները, երբ տեղի իշխանությանը ահազանգել են, որ ադրբեջանցիները էլ ավելի են մոտեցել իրենց բնակավայրին ու ծեծի ենթարկել իրենց, տեղի իրավապահները կապ հաստատելուց հետո Երևանի հետ, հրահանգ են ստացել՝ ոչինչ չանել, թող մնան այնտեղ ուր հասել են։ Փաստացի, ադրբեջանցիները որքան մոտեցել են, այնտեղ էլ դեռ մինչ այս պահը տեղակայված են, չնայած որ Հայաստանի Հանրապետության տարածքում են, անգամ տեղացի հայերի են ծեծի ենթարկել։