«Հաղթանակ» զբոսայգում պաշտոնատար անձինք խուսափեցին պատասխանել Շուշիի վերաբերյալ որեւէ հարցի. NEWS
Հայաստանի բարձրաստիճան պաշտոնատար անձինք այսօր՝ մայիսի 9-ին, Հաղթանակի օրվա առթիվ այցելել են Հաղթանակի զբոսայգի: Նրանք խուսափում էին պատասխանել NEWS.am-ի հարցերին:
Մասնավորապես, ԱԺ պաշտպանության, ազգային անվտանգության հարցերի հանձնաժողովի նախագահ Անդրանիկ Քոչարյանը ճշտելով, որ լրագրողը NEWS.am-ից է, ասաց, որ հարցերի կպատասխանի միայն տոնակատարությունից հետո:
Հարցին, թե ինչ է Շուշին հանձնելուց հետո ինչ է նշանակում իրենց համար մայիսի 9-ը, ԱԽ քարտուղար Արմեն Գրիգորյանը միայն արձագանքեց. «Հետո կխոսենք»: Նույն պատասխանը տվեց նաեւ փոխվարչապետ Մհեր Գրիգորյանը: Պաշտպանության նախարար Վաղարշահ Հարությունյանը նույն հարցին կարճ պատասխանեց՝ «Հաղթանակ»:
Իսկ փոխվարչապետ Տիգրան Ավինյանն ասաց. «Եթե որեւէ մեկնաբանություն տալու լինեի, անպայման ասուլիս կհրավիրեի, կամ ձեզ կհրավիրեի, ինտերվյու կտայի»:
