«Հարենիքի» և ՀՀԿ-ի քաղաքական թիմի նույնիսկ պահեստային նստարանը զրոյական հաշվի վրա կթողնի Փաշինյանի թիմին. Սոս Հակոբյան
«Հայրենիք» և Հայաստանի Հանրապետական կուսակցությունները հայտարարել են արտահերթ խորհրդարանական ընըտրություններին դաշինքով մասնակցելու մասին։ «Այս պահին հստակ է որոշումը միայն դաշինքով գնալու։ Ցուցակի, դաշինքի անվան, ծրագրային դրույթների վերաբերյալ դեռևս աշխատանքներ են իրականացվում, և երբ ընտրությունների վերաբերյալ հրամանագիրը լինի, դրանք կհրապարակվեն», - ասաց Հակոբյանը։
Կուսակցության մամուլի քարտուղարի խոսքով՝ այնպիսի մարդիկ, որոնց համերաշխությունն օրենքի հետ կարող է կասկածի տակ դրվել, ցուցակում չեն կարող լինել.
«Լինելու են մարդիկ, ովքեր հանրության շրջանում ունեն վստահություն և կարող են օգտակար լինել ՀՀ-ին իրեն կարողությունների շրջանակներում»։
Ինչ վերաբերում է կուսակցության նախագահ Արթուր Վանեցյանին, Սոս Հակոբյանն ասաց հետևյալը.
«Արթուր Վանեցյանը շատ առանցքային դեր է ունենալու արտահերթ ընտրություններում և ամբողջ քաղաքական գործընթացում, ինչպես նաև մեր հետ դաշինքի գնացող ուժի ղեկավարը։ Բայց թե ով կլինի ցուցակի առաջին համարում, դա քննարկվող հարց է և դեռ հստակեցում չկա»։
«Հայրենիք» կուսակցության և «Հանրապետական» կուսակցության տեխնոկրատ գծի քաղաքական թիմի նույնիսկ պահեստային նստարանը զրոյական հաշվի վրա կթողնի Փաշինյանին թիմին, անգամ, եթե խաղա առանց դարպասապահի, լրագրողների հետ հանդիպմանն ասաց «Հայրենիք» կուսակցության մամուլի խոսնակ Սոս Հակոբյանը։
«Երկու կողմից էլ մենք ունենք շատ հարուստ և փոխլրացնող ուղեղային թիմ, իրենց անցած ճանապարհի, պետական ծառայությունում հավաքած փորձի առումով, ինչը, դաշտում իմ կարծիքով բացառիկ է լինելու», - ասաց Սոս Հակոբյանը։
