ՏԵՍԱՆՅՈՒԹ. Գարշահոտություն և գոյացած աղբի մեծ կույտ Երևանի կենտրոնում. ի՞նչն է պատճառը
Օրեր առաջ մեր խմբագրություն ահազանգեցին քաղաքացիներ, ովքեր հայտնեցին, որ Երևանի Եկմալյան 16 հասցեում (Արամի- Պուշին -Փարպեցի փողոցների հատվածում) գտնվող կիսաքանդ մի տարածք կա, որը ամիսների ընթացքում վերածվել է մեծ աղբանոցի:
Auroranews-ի հետ զրույցում քաղաքացիներից մեկն ասաց, որ իրավիճակը ամեն օր էլ ավելի է վատթարանում.
‹‹Ամբողջ տարածքը աղբով է լցված և սա Երևանի կենտրոնում, գարշահոտություն է ու շատ տհաճ, տարածքի ետնամասում բնակելի շենքեր են ու ըստ երևույթի հենց այդ շենքերի բնակիչներն են թափում աղբը››:
Մեր զրուցակիցը ասաց, որ ամիսներ առաջ դիմել են Երևանի քաղաքապետարան՝ խնդիրը կարգավորելու և հրատապ լուծում տալու համար, սակայն պատասխան են ստացել, որ ահազանգը ընդունված է և կտրվի հրատապ լուծում, սական մինչև օրս որևէ գորոծողություն չի կատարվել:
‹‹Իրականում շատ տգեղ և տհաճ է Երևանի կենտրոնում տեսնել այդպիսի մի վայր››,-ասաց քաղաքացին:
Auroranews-ը դիմեց Երևանի քաղաքապետարան՝ հասկանալու, թե որն է պատճառը տարածքը չմաքրելու և խնդիրը չկարգավորելու համար:
Մեր գրավոր հարցմանն ի պատասխան մեզ ասացին, որ Եկմալյան 16 հասցեում գտնվող տարածքը սեփականաշնորհված է: Իսկ Երևանի քաղաքապետարանը որևէ իրավասություն չունի մաքրելու և սանիտարական աշխատանք կատարելու այն հատվածում, որը ունի սեփականատեր:
Բանն այն է, որ տարածքի սեփականատերը տարիներ առաջ դիմել է Երևանի քաղաքապետարան տվյալ հատվածում շինաշխատանքներ սկսելու համար, սակայն որոշ խնդիրների և նորմերի անհամապատասխանատվության պատճառով քաղաքապետարանը շինթույտվության իրավունք չի տվել սեփականատիրոջը:
Փաստացի տարածքի սեփականատերը չի կատարում տարածքի մաքրման և խմանքի աշխատանքներ՝ ինչն էլ հանգեցնում է տարածքի աղտոտվածության և գարշահոտության:
Առաջին հայացքից թվում է թե սեփականատերը այս կերպ բողոքի նոտա է հղում քաղաքապետարանին իրեն շինթույտվություն չտալու համար՝ չմաքրելով տարածքը, սակայն իրականում խնդիրն ավելի խորքային է:
Երևանի քաղաքապետարանից նշում են, որ իրենք կապ են հաստատել սեփականատիրոջ ներկայացուցչի հետ, ներկայացրել խնդիրը և այն չլուծելու դեպքում դրանից բխող բոլոր իրավական (վարչական պատասխանատվության ենթարկելու ) հետևանքները:
‹‹Քանի որ խոսքը իրավական գործընթաց ծավալելու մասին է, գործելու է որոշակի ընթացակարգ, որից ելնելով կոնկրետ նշել, թե երբ կմաքրվի տարածքը, ում կողմից, այս պահին անհնար է: Երևանի քաղաքապետարանն իր լիազորությունների շրջանակում կփորձի առավելագույն հետամուտ լինել՝ խնդիրը հնարավորին արագ հանգուցալուծելու համար››,-նշում են քաղաքապետարանից:
Մենք ճշտեցինք, որ տարածքը պատկանում է ‹‹Imperial Construction›› ընկերությանը: Կազմակերպությունը դիմել է Երևանի քաղաքապետարան` շինթույլտվության համար, սակայն այն չստանալով չի կարողացել իրականացնել որևէ աշխատանք:
‹‹Քաղաքապետարանը իր նկատառումներն ուներ, սեփականատերը՝ իր և չստացվեց, հիմա մտածում ենք, թե օրենքով սամահնված կարգով ինչ կառուցապատում թույլ կտան մեզ››,-Auroranews-ի հետ զրույցում ասաց կազմակերպության ներկայացուցիչ Դավիթ Սանասարյանը:
Սանասարյանի խոսքով՝ տարներ առաջ մշակված է եղել ավելի քան 15 նախագիծ տվյալ տարածքի համար և կառուցապատման վերաբերյալ պետք է լինեին քննարկումներ ինչպես նախկին, այնպես էլ ներկա իշխանությունների հետ, սակայն չի ստացվել:
‹‹Հիմա մտածում ենք այդ տարածքում արագացված կարգով իրականացնել բարեկարգման աշխատանքներ և ստանալ ավտոկայանատեղի կառուցելու թույլտվություն, սակայն կան խնդիրներ քաղաքապետարանի հետ: Գործընթացները ձգձգվում են և պետք է լինեն քննարկումներ սեփականատերերի հետ: Սակայն խնդիրը հետևյալն է այդ տարածքում աղբը թափում են հարակից շենքերում բնակվող բնակիչները, ովքեր էլ, որ բողոքում են մեր դեմ››,-ասաց նա:
Ըստ կազմակերպության ներկայացուցչի իրենք այդ հատվածքում անգամ պատնեշներ են կառուցել, որոնք քանդել են:
‹‹Չեմ հասկանում պատճառը, թե ինչու և կոնկրետ ովքեր են քանդել››:
Հիշեցնենք, որ Հայաստանում կորոնավիրուսային հիվանդությունը դեռ չի հաղթահարվել, իսկ այս ոչ հիգենիկ և կեղտոտ տարածքները կարող են նպաստել ուրիշ այլ վարակների տարածման: