Թուրքիայի ԶՈՒ կողմից շահագործվող զինված ԱԹՍ-ների քանակը ավելացվել է
Թուրքիայի զինված ուժերի կողմից շահագործվող զինված անօդաչու թռչող սարքերի քանակն ավելացել է՝ հասնելով 140-ի, հայտնում է Ahval-ը` նկատելով, որ սա հավասար է F-16 կործանիչների ավիապարկի կեսին:
Բացի այդ, Թուրքիայի ԶՈՒ-ն ունի 1500 անզեն անօդաչու թռչող սարք, 200 «մինի անօդաչու» և 500 KARGU-2 «կամիկաձե» ԱԹՍ։
Վերջին մոդելի ԱԹՍ-ն, որը հաջորդող տարիների ընթացքում համալրելու է Թուրքիայի զինանոցը, Akicic կոչվող ԱԹՍ-ն է, որի փորձարկումներն այս տարի ավարտվել են։
Թուրքիայի զինված անօդաչու թռչող սարքերը վերջին տարիներին դարձել են Սիրիայում, Իրաքում, Լիբիայում և Արցախում (Լեռնային Ղարաբաղում) նրա ռազմական միջամտությունների խորհրդանիշը:
Հայտնի է, որ թուրքական 160 զինված անօդաչու թռչող սարք շահագործվում է Թուրքիայի զինված ուժերի, Ազգային հետախուզական կազմակերպության և անվտանգության այլ ուժերի կողմից՝ Ուկրաինայում, Ադրբեջանում և Կատարում։ Այլ պետություններ, ներառյալ Պակիստանը և Ղազախստանը նույնպես թուրքական անօդաչու թռչող սարքեր ձեռք բերելու հետաքրքրություն են ցուցաբերել։
Ամենահայտնի TB-2 Bayraktar ԱԹՍ-ն Թուրքիայի ավիապարկի հիմնական հենակետն է։ Այն արտադրվել է Հալուք Բայրաքթարին պատկանող ընկերության կողմից, որի եղբայրը Թուրքիայի նախագահ Ռեջեփ Թայիփ Էրդողանի փեսան է։
