«Ավելի վատ, քան Չեռնոբիլն է». Զելենսկին` Դոնբասի և Ղրիմի հնարավոր ապագայի մասին
Ուկրաինայի նախագահ Վլադիմիր Զելենսկին Le Figaro-ին տված հարցազրույցում հայտարարել է, որ Դոնբասին և Ղրիմին կարող է սպասվել ապագա, որը համեմատելի է «Չեռնոբիլի աղետի գոտու» հետ: Այս մասին տեղեկացնում է «ՌԻԱ Նովոստի» գործակալությունը:
«Դա կլինի մեռած տարածք. ավելի վատ, քան Չեռնոբիլը»,-ասել է Ուկրաինայի նախագահը:
Ըստ Զելենսկիի, Դոնեցկի և Լուգանսկի չճանաչված հանրապետությունների, ինչպես նաև Ղրիմի բնակիչները կկարողանան խուսափել նման ապագայից, եթե սկսեն իրենց ուկրաինացի համարել:
