Ռոբերտ Քոչարյանը ներկա չէ դատական նիստին․ նա քովիդ 19-ի թեստ է հանձնել

ՀՀ երկրորդ նախագահ Ռոբերտ Քոչարյանը, ելնելով իր մոտ առկա սիմպտոմատիկայից, բժշկի ցուցումով հանձնել է քովիդ-19-ի թեստ։ Այս մասին դատական նիստի ժամանակ հայտնեց նախագահի պաշտպան Հայկ Ալումյանը։ Նա նաև տեղեկացրեց, որ կորոնավիրուսային հիվանդության հաստատված դեպք է եղել Քոչարյանի մերձավոր շրջապատում։ Թե կոնկրետ ու մասին է խոսքը, Ալումյանը չտեղեկացրեց, խնդրելով, որ այդ մասը քննարկվի դռնփակ ռեժիմով։ 

Դատավոր Աննա Դանիբեկյանը հայտնեց, որ հաջորդ դատական նիստը կլինի մայիսի 4-ին՝ ժամը 13։00-ին, քանի որ ապրիլի 27-ին լինելու է արձակուրդում: