Ռուստամ Մուրադովը կշարունակի աշխատանքն Ադրբեջանից հայ գերիների վերադարձի ուղղությամբ. Կոպիրկին

Ադրբեջանից հայ գերիների վերադարձի հարցը առաջնահերթություն է ինչպես Ռուսաստանի ղեկավարության, այնպես էլ՝ խաղաղապահ զորախմբի համար, լրագրողների հետ զրույցում ասել է ՀՀ-ում ՌԴ դեսպան Սերգեյ Կոպիրկինը։ 

«Համառ աշխատանքներ են իրականացվում», - ասել է նա։ 

Հարցին, թե Լեռնային Ղարաբաղում ռուս խաղաղապահ զորախմբի հրամանատար Ռուստամ Մուրադովը կշարունակի՞ աշխատել հայ գերիների վերադարձի ուղղությամբ, ՌԴ դեսպանը պատասխանել է. 
«Համոզված եմ, որ այո»։ 

Նա նշել է նաև, որ իրեն դժվար է մեկնաբանել ադրբեջանական կողմի հայտարարությունը, թե Ադրբեջանում այլևս հայ ռազմագերիներ չկան։ 

«Որքան հասկանում եմ՝ աշխատանքը շարունակվում է», -նշել է Կոպիրկինը։