Ադրբեջանցիները ուզում են վախի մթնոլորտում պահել արցախահայությանը. ԱՀ նախագահի խոսնակ. ArmDaily

Արցախի Հանրապետության Ներքին գործերի նախարարության մամուլի խոսնակ Հունան Թադևոսյանը հայտարարություն է տարածել, որ ապրիլի 7-ի 09:40-ի սահմաններում, Ադրբեջանի կողմից օկուպացված Սարգսաշեն գյուղի տարածքից, ադրբեջանցիները կրակել են Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ՝ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ: Ադրբեջանական կողմը կիրառել է գնդացիր, ինչի հետևանքով ջարդվել է Վ.Հարությունյանին պատկանող տրակտորի ձախ կողմի ապակին:

[ec55aa1ba1985050b76e9d40d767f7c5.jpg]

[c04a90557d9d5996145c714b963e113c.jpg]

 ԱՀ ՆԳ նախարարության ոստիկանության Ասկերանի շրջանային բաժնի հետաքննիչները Արձանագրություն են կազմել՝ ՌԴ խաղաղապահ զորակազմի հրամանատարությանը ներկայացնելու համար:

ArmDaily.am-ի հետ զրույցում ԱՀ նախագահի խոսնակ Լուսինե Ավանեսյանն ասաց,որ արդբեջանցիներն այդպիսով ուզում են վախի մթնոլորտում պահել արցախահայությանը, թույլ չտալ, որպեսզի մարդիկ ի վիճակի լինեն զբաղվել իրենց առօրյա գործերով։