Մեզ ապտակել են, խլել մեր ունեցածը, պղծել մեր սրբությունները ու հիմա ասում են հանկարծ չփորձեք պատասխանել. Արտյոմ Տոնոյան

Իրանագետ Արտյոմ Տոնոյանը ֆեյսբուքի իր էջում գրել է. «Մեզ ապտակել են, խլել մեր ունեցածը, պղծել մեր սրբությունները ու հիմա ասում են հանկարծ չփորձեք պատասխանել, քանի որ հարևաններ ենք ու պիտի խաղաղ ապրենք։

Հիմա մեկը հայտնվել է, ասում է՝ դե ճիշտ են ասում իրենք, մենք անգամ չգիտենք մեկնակետը հակամարտության, պիտի խաղաղ ապրենք, քիրվայություն անենք, ոչինչ որ մեկ-մեկ էլ կոշիկները սրբեն մեր վրա, մեկ-մեկ էլ թքեն մեր վրա։ Կարևորը մենք գոյություն ունենանք։ Սա ասողը չի կարող հայ լինել, հայկական ինքնություն ունենալ, հայի համար ցավող սիրտ ունենալ։

Եթե պարզ տրամաբանությամբ առաջնորդվենք, նման բան փողոցային կռվից հետո կասեր մեկը, ում սիրտը բացարձակ չի ցավում ծեծ կերածի ինքնասիրության ու արժանապատվության համար։ Էնա որ մի բան ասի, ծեծողները ցվրվեն գնան, ծեծվողին էլ ասի՝ դե դու էիր մեղավոր, կարևորը հլը մի ամիս-երկու էլ չեն դնգի, հավեսները հանել են ու թողել-գնացել»։