Մաշտոցի պողոտայում բացվել է Դիանա Աբգարի անվան պուրակը Մաշտոցի պուրակին կապող գետնանցումը
Այսօր Երևանի Մաշտոցի պողոտայում բացվել է Դիանա Աբգարի անվան պուրակը Մաշտոցի (Մանուշյանի անվան) պուրակին կապող գետնանցումը։ Տեղեկությունը Facebook–ի իր էջում հայտնել է Երևանի քաաղաքապետի մամուլի խոսնակ Հակոբ Կարապետյանը։
Նշվում է, որ կառուցապատումն արել է «Տաշիր» խումբը՝ Երևանի քաղաքապետարանի հետ համագործակցությամբ։
«Ստորգետնյա անցումը մատչելի է, հարմար՝ տեղաշարժման առանձնահատկություններ ունեցող անձանց համար, կա շարժասանդուղք, անվասայլակը տեղափոխող սարք։ Ներքևում կան առևտրի կետեր ու հանրային սննդի օբյեկտներ»,–գրել է Կարապետյանը։
Նա շնորհակալություն է հայտնել տնտեսվարողին՝ բարեխիղճ համագործակցության համար։
