Չի բացառվում, որ Արցախում մզկիթ կկառուցեն, և սա արվում է միայն մի նպատակով. Կարեն Հովհաննիսյան

 Ռազմական փորձագետ Կարեն Հովհաննիսյանը ֆեյսբուքի իր էջում գրել է. «Եկեք մի բան հստակեցնենք։

Ադրբեջանի կողմից օկուպացված հայկական բնակավայրերում Բաքվի բռնապետի կողմից անընդհատ հրահանգվելու է մեզ համար զգացմունքային գործողությունների մեկնարկ։

Մեր գերեզմանների, մեր տների, մեր եկեղեցիների, մեր արձանների, մեր հուշակոթողների ցուցադրաբար ավերում։ Նաև իրենք սկսելու են մեր բնակավայրերի անվանափոխման գործըթնաց, փողոցների անվանափոխման գործընթաց, դրոշի ցուցադրաբար բարձրացման գործընթաց, նույնիսկ չի բացառվում , որ մզկիթ կկառուցեն, և սա արվում է միայն մի նպատակով։

Այդ նպատակը մեզ հիասթափեցնելն է, թևաթափ անելն է, պայքարելուց և ռևանշից հրաժարվելն է։ Հիմա ի՞նչ ենք պայմանավորվում, այդ ամենը տեսնելով ավելի ենք լծվում հզորանալու և թշնամուն պատժելու նպատակը օր առաջ իրականություն դարձնելու գործով, թե՞ հիասթափվում, թևաթափ ենք լինում ու կորում էս աշխարհում․․․

Ես որ պայքարում եմ հանուն ՄԵԾ ՀԱՂԹԱՆԱԿԻ․․․»: