Մարուքյանը խոսեց Հովհաննես Ազոյանի գրառման մասին և ասաց, թե ինքն ինչ է տեսնում Ալիևի դեմքին
Ես Ալիևի դեմքին խաղաղություն չեմ տեսնում: Ես Ալիևի դեմքին տեսնում եմ մեր ռազմագերիների, այդ թվում՝ կանանց, դեմքերն ու նրանց ամենօրյա տանջանքները: Այս մասին լրագրողների հետ զրույցում հայտարարել է Էդմոն Մարուքյանը՝ պատասխանելով հարցին՝ արդյո՞ք ինքն էլ Հովհաննես Ազոյանի օրինակով Ալիևի դեմքին խաղաղություն է տեսնում։
«Ալիևի դեմքին ես տեսնում եմ գլխատված զինվորներին, հայատյացության ամենավերջին աստիճանը: Բնականաբար նա խաղաղասեր չէ ու չի եղել, նա խաղաղասեր կդառնա, եթե Հայաստանն իր ներիքն խնդիրները լուծի, համախմբվի ու պարտադրի խաղաղությունը»,-ասել է նա:
Մարուքյանի խոսքերով, եթե Ալիևի դեմքին ինչ-որ մեկը խաղաղություն է տեսնում, դա իր խնդիրն է:
