Այցելելով կես դյույմանոց 0-ի գինետունը, դուք ֆինանսավորելու եք Ադրբեջանի բանակ. Նաիրա Զոհրաբնայնը՝ Հովհաննես Ազոյանի մասին

ԱԺ պատգամավոր Նաիրա Զոհրաբյանը ֆեյսբուքի իր էջում գրել է. «Այցելելով կես դյույմանոց 0-ի գինետունը, դուք ֆինանսավորելու եք Ադրբեջանի բանակը

Երեկվանից հայ մարդը ցնցված է կեսդյույմանոց մի նիկոլականի՝ վերջապես Ալիեւի դեմքին խաղաղություն տեսնելու բախտից։

Ես ո՛չ ցնցված եմ, ո՛չ էլ զարմացած։ Սա նիկոլականությունն է՝ իր ողջ այլասերվածությամբ։

Ընդամենը մի դիտարկում. այն հայը, ով կգնա կեսդյույմանոցի Սարյան փողոցի վրա գտնվող գինետունը, պիտի իմանա, որ ֆինանսավորելու է Ադրբեջանի բանակը։

Այն բանակը, որը խոշտանգում, ողջ-ողջ մորթում ու այրում է հայ զինվորին եւ քաղաքացիական անձանց։

Որոշումը ձերն է»։

Հիշեցնենք՝ դերասան Հովհաննես Ազոյանը գրառում էր արել Ալիևի լուսանկարի տակ ու նշել, որ խաղաղություն է տեսնում պարոն Ալիևի դեմքին: 

Նշենք, որ երեկ ադրբեջանական կողմը հայտարարել էր, թե իրենց մոտ այլևս հայ ռազմագերիներ չկան, սակայն հայկական կողմի տվյալներով Ադրբեջանում գերեվարված հայեր կան: