Աղերսում են, որ նոր պատերազմ չլինի. Ազոյանի գրառումից հետո ադրբեջանցիները ծաղրում են մեզ
Համացանցում տարածված տեղեկությունների համաձայն՝ երեկվանից ադրբեջանական սոցցանցերը և ԶԼՄ-երը մեծ ոգևորությամբ տարածում են դերասան Հովհաննես Ազոյանի հաճոյախոսությունը Ադրբեջանի նախագահին։
«Նրա մեկնաբանությունից հետո ազերիները ծաղրում են, թե «պարտությունից հետո հայերը խելոքացել են», «վախենում են Երևանն էլ գրավենք, այդ պատճառով աղերսում են, որ նոր պատերազմ չլինի»։
Սրան զուգահեռ, սոցցանցի հայկական տիրույթում հայհոյում են Ազոյանին՝ զոհերի արյունն ուրանալու, Բաքվի բանտերում մեր եղբայրներին տանջահար անողին գովաբանելու համար։
Հիշեցնենք, որ նա Մեհրիբան Ալիևայի էջում հրապարակված տեսանյութի մեկնաբանություններում գրել էր. «Ես վերջապես խաղաղություն եմ տեսնում Պարոն Ալիևի դեմքին։ Խաղաղություն աշխարհին։ Թող էլ երբեք պատերազմ չլինի»»։
